IPAHIGAYON karong adlawa ang gikahinaman nga piniliay alang sa pagka presidenti sa Association Internationale de Boxe Amateur (AIBA) nga ipahigayon atol sa AIBA World Congress didto sa Moscow, Russia.
Gipaabot nga sikit ug hugot nga kombati ang masaksihan sa maong piniliay human nga giaprobahan sa Court of Arbitration for Sports (CAS) ang kandidatora ni Asian Boxing Confederation (ASBC) president Serik Konakbayer sa Kazakhstan batok sa kasamtangang presidente nga si Gafur Rahimov sa Uzbekistan.
Mahulagway nga krusyal alang sa maong association ang resulta sa maong election sanglit ang International Olympic Committee (IOC), pipila ka adlaw human sa Asian Games didto sa Indonesia, mibahad nga dili na iapil ang boxing sa sunod Olympic nga ipahigayon didto sa Japan sa 2020 kon dii mailisan ang presidente.
Si Philippine Olympic Committee (POC) ug Alliance of Boxing Amateur of the Philippines (ABAP) president Ricky Vargas maoy mobotar isip representanti sa Pilipinas. JBM