SECTIONS
Friday, August 23, 2019
SUPERBALITA CAGAYAN DE ORO

Mga konsumedor sa COWD buot singlan og dugang 25 sentabos

ANG komitiba sa environment sa Konseho ning siyudad sa Cagayan de Oro nisugyot og 25 sentabos nga dugang bayronon alang sa tanang konsumedor sa Cagayan de Oro City Water District (COWD).

Kini alang sa serbisyo ug proteksyon sa pagdumala ug paggamit sa kinaiyahan ingon man aron makalahutay ang mga proyekto, proteksyon ug konserbasyon sa Cagayan de Oro River.

Sa pakighinabi kang Kagawad Edna Dahino, vice chairman sa kumitiba sa environment gibutyag nga walay dautan niini apan kinahanglan nga ipasabot una pag-ayo sa katawhan ug kinahanglan ang public consultation.

“Again dili man siya actually dautan pero knowing nga gapabayad ta sa mga tao for that purpose kinahanglan nga convincing kaayo ang atong mga programs nga mas masabtan sa atong mga tawo kay ato man na silbi bayad nato sa paggamit sa tubig,” pahayag ni Dahino.

Ang makolekta nga 25 sentabos magsilbi nga trust fund sa siyudad. Posibleng ang matag pamilya magbayad og duol P25 matag tuig ug COWD ang mangolekta.

“Sa city hall sa trust fund, 25 centavos ang proposal per cubic so kasagara kada pamilya 10 man so 25 centavos so P2.50 kada buwan, sa isa ka tuig mga P25, basta 25 centavos per cubic of usage sa tubig, then sa commercial naa poy .50 or P1.00” dugang niini.

Apan giklaro niini nga ibalik una kini sa pagpahibalo ug pagkonsulta sa katawhan aron mapasabot kining maong programa aron mamintinar ang watershed sa siyudad aron kung mag-ulan ulan dunay makapugong sa tubig baha gikan sa kabukiran.

“So far maayo ang tumong, pero mao lage na ato pang-estudyhan og ayo, knowing nga fees, allergey gyud ta kaayo basta bayad-bayad,” saysay niini. KCS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph