MOBISITA sa Sugbo ang legendary canoe sailor sa Hawaii nga si Kimokeo Kapahulehua aron bunyagan ang labing unang Bigiw 6 canoe boat sa Pilipinas karong Nobiyembre 20 sa Chateau by the Sea sa Punta Engaño, Lapu-Lapu City.
Si Kapahulehua, 71, kinsa naila sa Hawaii gumikan sa iyang paningkamot nga mapreserba ang kultura ug tradisyon sa maong dapit, mobisita sa Sugbo sa labing unang higayon.
Gawas sa iyang pagbunyag sa Bigiw 6 canoe, nga ginama sa Island Buzz Philippines, si Kapahulehua mopaambit sab sa iyang talento ngadto sa canoe sailers sa Sugbo.
“As a paddler, yes we are very excited to learn from him,” matod ni Tony Galon sa interbyu sa Sun.Star Cebu.
Ang canoe usa ka gaan nga bangka nga modagan pinaagi sa pagbugsay.
Malaumon si Galon nga tungod sa pagkahimugso sa Bigiw 6 canoe, aduna na unya’y canoe competition nga mapahigayon sa Sugbo sa ugma damlag. RSC, ESL