MANILA - Wa damha ni Regine Velasquez nga makauban niya sa ASAP ang mga kaubanan niya kanhi sa SOP nga sila si Jaya, Jona ( kanhi Jonalyn Viray) ug Kyla.
Actually, si Regine ang kinauwahing mibalhin sa Dos ug ang pinaka-uwahing misud sa ASAP.
Kon mahinumduman nila ang ilang kaagi sa SOP never kuno nilang ma-imagine nga moabot ang panahon nga silang tanan mamahalhin sa programang ka-kompetensya sa SOP (Sobrang Okey Pare) and the rest is history.
Masanagon ang dagway karon ni Regine tungod kay ever since gusto jud niya ang Musical Variety Show diin ma-showcase kung unsa siya ka-banggi-itan ug ka-hawod mokanta.
Usa pa sa nagpasanag sa aura karon ni Regine, nakauban niya karon sa ABS-CBN ang iyang banang si Ogie Alcasid nga una pang nibalhin kaysa sa iyaha, plus idugang pa ang step-daughter niyang si Leila Alcasid (anak ni Ogie sa former Miss Australia nga si Michelle Van Eimereen) nga nagsugod na of mugna sa iyang kaugalingong pangalan sa local music scene.
In short, happy family na sila karon under ABS-CBN.
Sa laing bahin, sa dihang gipangutana si Regine kon si kinsa ang artista sa Dos nga kaniadto pa niya amiga, special mention ni Regine si Kim Chiu.
Kasag-sagan kaniadto sa teleserye ni Kim ang “My Binondo Girl” didto nagsugod ang ilang panaghigalaa tungod kay may kanta si Regine nga gigamit sa nahisgutang teleserye.
O di ba, bongga si Kim huh? Ever since diay rubbing-elbows na sila ni Regine huh?
Sa Laing bahin, aside from ASAP nga elevated na karon sa Hall Of Fame sa Star Awards For TV tungod kay naka 15 win na ito as Best Musical Variety Program.
Panghinaot nakot nga mahatagan pa sa Dos og usa pa ka programa si Regine tungod kay sa tinuoray lang, aside from belting songs usa na sad ka inila og batikang TV host ang Songbird nga si Regine Velasquez-Alcasid.