ANG pambato sa Davao nga Hyenas FC ug Southshield FC mibilin og marka human midaug og bulawang medalya sa ilang tagsa ka kategorya sa Pinas Cup 2018 didto sa Clark Freeport, Angeles City, Pampanga.
Ubos ni coach Jefferson "Wang" Manzanares sa Hyenas, midemolis sa Don Bosco Victorias sa Negros Occidental 10-0, sa finals sa boys under 10 division.
Samtang sa bahin ni coach Roland "Balot" Manabit sa Shouthshield FC kinsang bag-ohay lang midaug sa Davao City Athletic Association (DCAA) Meet 2018 elementary football tournament, mipalukapa sa Siklab FC sa National Capital Region (NCR) 1-0, sa boys under 12 division.
Ang mga miduwa sa Hyenas FC mao sila Anthony Elorde, Psalm Gabriel Loquero, Daniel Francison Pe Benito, Jose Andre Nuenay, Austin Louise Dilodilo, Yuan Guingguing, Norbert Mari Marfe, Harold Parlero, Carlos Donado, Zean Gabriel Delos Reyes, Jian Goyonan, Jilliana winstelle Dagpin, Gabriel Aaron Anthony Alar, Raphael John Dumandagan ug Christoff Elgin Demandante samtang sa Southshield sila Cian Martini Nogadas, EJ Cabile, Carlos Angelo Lacerna, Kian Terrence Niu, Andrei Joshua Guingguing, Niel Imperial, Alchie Jan Campaña, Wyatt Arwin Gok-ong, Karl Francis Sumampong, Zyk Lopez, Charles Kenn Chiu, Victor Lagundi, Matthaeus Henricus Lim, Devon Kierulf, Cristo Kenya Castillo, Julio Antonio Yoldi ug Ethan Zachary Basilio. (MRP)