ANG Evangel Songsters Davao mapasigarbuhong midawat sa Young Singers Incentive Prize sa 14th Busan Choral Festival and Competition nga gihimo Oktubre 17 hangtod 20, 2018 sa South Korea.
Ang inilang singing group gipangunahan ni Nemuel Danuco, usa sa inilang musikero sa dakbayan.
Ang grupo namugna niadtong Oktubre 2016 pinaagi sa inisyatibo sa Zion’s Praise Music Incorporated, usa ka music education provider nga aktibong nakig-partner sa nagkadaiyang tunghaan sukad 2009.
Gilangkuban sa 28 ka indibidwal nga nag-edad og 9 ngadto 18-anyos gikan sa lain-laing tunghaan sa dakbayan, ang first batch sa Evangel Songsters Davao unang mitigi sa 10th Orientale Concentus sa Singapore diin nakuha nila ang tulo ka silver grade awards sa Folk Song, Mixed ug Youth categories.
“Throughout its festival and competition history, Busan Choral has fostered cultural exchange and promoted high quality choral music by attracting notable artists, conductors, and composers to one of Asia’s top choral festivals”, pahayag nila sa ilang official Facebook page.
Sa Busan Choral Festival and Competition, ang Evangel mitigi sa duha ka kategoriya, ang youth ug ethnic categories.