PATAY ang usa ka negusyante sa pagpamusil alas 6:25 sa gabii niadtong Dominggo, Nobyembre 4, sa dakbayan sa Kidapawan.
Giila ang biktima nga si Juharto Ipong Paglala, 30, negusyante ug molupyo sa Barangay Kayaga, Kabacan, North Cotabato.
Matud ni Superintendent Ramel Hojilla, hepe sa Kidapawan City Police Station, nga nagmaneho ang biktima sa iyang multicab gikan nangompra sa dakbayan pauli na sa ilang balay kauban ang iyang asawa.
Pag-abot niini atubangan sa Mediatrix Cathedral sa Quezon Boulevard, Barangay Poblacion, minaog ang biktima aron mopalit og sud-an apan kalit siyang gisundan sa duha ka wala mailhing tawo ug gipusil gamit ang kalibre .45 nga pistola.
Abtik sab nga miikyas ang mga namusil sakay sa usa ka motorsiklo nga walay plaka paingon sa hilit nga dapit sa dakbayan sa Kidapawan.
Patay gilayon si Paglala nga naigo sa iyang ulo, tangkugo ug likod.
Gikomperma ni Superintendent Hojilla nga ang biktima anaa sa drug watchlist sa kapulisan sa Kabacan North Cotabato. (Edgar Fuerzas)
Superbalita Davao
Negusyante anaa sa drug watchlist gipusil-patay
November 05, 2018
- A
A +
View Comments
Disclaimer
SunStar website welcomes friendly debate, but comments posted on this site do not
necessarily reflect the views of the SunStar management and its affiliates. SunStar reserves the right to
delete, reproduce, or modify comments posted here without notice. Posts that are inappropriate will
automatically be deleted.
Forum Rules
Do not use obscenity. Some words have been banned. Stick to the topic. Do not veer away from the
discussion. Be coherent. Do not shout or use CAPITAL LETTERS!