SUPERBALITA DAVAO

Ex-convict patay atol sa drug bust

PATAY ang kanhi priso human misukol sa kapulisan atol sa gipahigayon nga drug bust, gabii niadtong Lunes, Nobyembre 5, sa Kabayan Village, Barangay Tibungco, dakbayan sa Davao.

Giila ni Police Chief Inspector Reuben Libera, hepe sa Sasa Police Station, ang namatay nga si Ricky Jusen Bangot alyas Siga, 29, molupyo sa nahisgutang lugar.

Sumala pa gihimo ang drug bust batok sa suspek dihang napalitan siya og usa ka sachet sa shabu.

Apan namatikdan niini nga pulis ang iyang katransaksiyon, hinungdan nga misulay og bunlot sa iyang armas aron nga pusilon ang pulis. Apan naunhan siya sa pagpusil sa pulis.

Daling gihatud ngadto sa Southern Philippines Medical Center ang suspek aron patambalan, apan nakabsan kini sa kinabuhi.

Nakuha gikan sa posisyon niini ang lain pang tulo ka sachet sa shabu apil na ang kalibre .38 nga revolver nga dunay mga buhing bala.

Sumala ni Libera nga duha pa ka bulan nakagawas gikan sa prisohan ang namatay gumikan sa kasong pagpusil sa usa ka bata, ug sa paggawas niini niapil na sab siya sa pagpamaligya og ilegal nga druga. (Richy Nalagon)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph