DAGHAN ang nagduda nga morag may sagol pamulitika ang pag-file ug kaso sa usa ka non-governmental organisation ( NGO ) sa taga Kapitolyo.
Kauban sa gipasakaaan ug kasong damages sa kantidad nga P4.5 billion mao ang mga mining firm .
Kini tungod sa nahitabong land slide sa siyudad sa Naga nga dul-an sa usa ka gatos ang nangamatay.
Maayo unta kon tinuoray nga hustisya ang katuyoan ug wa magpaggamit sa pulitikanhong katuyoan.
Normal naman kini hinuon sa panahon sa pulitika. Matod pa sa nanggungis na sa mga nagsunod sa kalihukan sa pulitika ang malipat lang.
Ambot ug kon gikalag naba kaha ang mga responsabling opisyal nga maoy nakatampo sa landslide.
Kombinasyon sa man-made calamity ug natural calamity ang nahitabo. Pagka maayong ipatamparos sa presidente?
PNP ug pagpatay
Kon drug syndicate ang responsabli sa kamatayon sa lima ka mga tawo didto sa Barangay Malubog.
Mga sakop diay sa sindikato ang mga pulis nga gipasanginlan nga maoy gitumbok sa mga survivor?
Matod sa mga saksi pulis ang nag-pick up kanila sa wa pa patya ug maayo nalang gani nakalingkawas sa kamatayon.
Kon dunay mga pulis nga sakop sa sindikato, unsa may buhaton sa kadagkoan, magpiyong lang?
Pero nasayod ko nga di magpiyong sila si Chief Supt. Debold Sinas, hepe sa Police Regional Office (PRO) 7 ug Sr. Supt. Garma hepe sa Cebu City Police Office ( CPPO).
Kini maoy panahon nga dunay pulis nga mapriso kon himuong seryoso ang imbestigasyon sa kaso sa pagpatay.
Subay niini, mosud na ang Senado alang sa imbistigasyon sa nahitabong pagpamatay dinhi sa Sugbo.
Bisan paman sa pagtuo nga pamulitika sa mga senador ang pakisusi maayo nalang mga dunay maani.
Text: 09235562777