ATOL sa bag-ohay lang nga pagbisita ni Presidente Rodrigo Duterte sa dakbayan sa Cagayan de Oro aron magtunol og Certificate of Land Ownership Award (CLOA) sa lima ka lalawigan sa Northern Mindanao duna siyay e-endorso nga mga kandidato nga giingong dili kurap.
Lakip sa iyang gilakbitan sa iyang mensahe nga mangampanya siya human sa Pasko niadtong mga kandidato nga iyang i-endorso.
“Pagod na ako, this is my last, I will not think politics anymore maybe karon lang magbayad lang ko ug utang kabubut-on sa taong mitabang nako. Mokampanya ko after Christmas, akong i-announce who’s my choices,” matud ni Duterte.
Gibutyag sab niini nga kadtong mitabang kaniya sa eleksyon hangtod nga midaog siya pagka presidente ang nahatagan og posisyon apan daghan kanila ang iyang gitangtang.
“Daghan ko og mga amigo akong gitangtang kay usa lang akong gipangita competence, kapabilidad ug honest. Standard yun wag magkamali lalo na sa korupsiyon,” matud ni Duterte. Mipadungog sab nga aduna mga nahibaloan si Duterte nga mga pulitiko nga patong patong ang korapsyon nga kaso.
“Mosuporta ko basta dili ka korap, unya may kapasidad ka. Unya ayaw pangurakot. Dili ko manghambog dipod ko manaway adto mo laing lugar moadto mo og Davao unsa nga wala ngari makita nimo sa Davao, unsay wala sa Davao makita nimo diri sa uban lugar,” dugang ni Duterte. (SVB)