SECTIONS
Friday, September 20, 2019
SUPERBALITA CAGAYAN DE ORO

LBC mi-angkon nga huyang ang depensa

Sa gipahigayong joint committee meeting sa Public Safety ni kagawad Romeo Calizo ug sa Trade and Commerce ni kagawad George Goking ang usa sa kadagkoan sa LBC Express nga huyang ang ilang depensa hinungdan nga kanunay nga mabiktima sa pagpanulis. (Kris Sialana)

AMINADO ang usa sa kadagkoan sa LBC Express nga huyang ang ilang depensa hinungdan nga kanunay nga mabiktima sa pagpanulis. Atol sa gipahigayong joint committee meeting sa Public Safety ni kagawad Romeo Calizo ug sa Trade and Commerce ni kagawad George Goking gi-angkon ni Jacinto Bernados, LBC area manager sa North Mindanao, nga wala kini silay guwardiya ug wala kini gahom sa pagdesisyon sa pagkuha og guwardiya gumikan na usab kay nationwide man ang ilang operation ug nag-agad lamang sa pinakataas niini. “Wala man gud sa among level kay it’s nationwide ang among operation, wala sa among level ang pag decide nga magkuha o security guard, mag agad pud mi sa among pinakataas,” tipik sa pahayag ni Bernados. Gibutyag niini nga duna kini silay mga gihimo nga internal security measure pinaagi na usab sa paglantaw-lantaw sa gawas nga bahin sa mga naka-duty nga empleyado kung dunay mga kadudahang lihok. Gani nangayo na kini og mga opinyon kung unsaon pagpalambo sa ilang depensa kay lage nakita sa mga tulisan nga dali silang masudlan. “Duna mi procedure internally pero despite siguro ana nakita sa mga perpetrators dili maka sustain ang among gihimo nga initiative,” pag-angkon niini. Mibutyag usab si Calizo nga dili maayo ang gimando ngadto sa mga empliyado nga dili mohimo og aksyon kung sudlon og tulisan ang ilang establisimento. Gibutyag usab ni abogado Edgardo Egay Uy, chairperson sa Regulatory and Complaint Board, nga tungod sa huyang nga depensa sa LBC mamarkahan ang peace and order sa dakbayan. Gisugyot usab sa grupo sa mga negosyante nga magpahigayon og closed-door meeting tali sa LBC ilabi na nga membro kini sa Oro Chamber ug pre-mature pa kung e-rekomendar sa pagpasara o dili pag-renew sa ilang business permit. Gi-aprobahan ang resolusyon diin nagmando sa LBC nga palambuon ang ilang security measures pinaagi sa pagbutang og guwardiya. (KCS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph