TULO ka mga lalaki nga gitouhang gipamatay ug gipangsalbids ang napalgan sa pangpang nga bahin sa hapon sa Barangay Sta. Ines, lungsod sa Malitbog, Bukidnon niadtong Martes, Nobyembre 6.
Si Police Senior Inspector Eubert Perol, kinsa hepe sa Malitbog Police Station, niingon nga nakit-an ang mga patay’ng lawas dihang usa ka residente sa dapit ang nangahoy hinungdan nanawag sa kapolisan.
Sa inisyal nga imbestigasyon, ang mga biktima nakaangkon og mga samad pinusilan sa ulo ug gitouhang gihulog dayon sa dapit.
Nailhan usab deretso ang patayng lawas sa biktima basi sa mga nisusi, ug giila ang tulo nga mao sila si Clifford Abales, 21; Vincente Benin, 24; ug Don Raymar Andales, 23, pulos mga residente sa lungsod sa Villanueva, Misamis Oriental.
Sa pag-background check sa kapolisan kang Andales, nasuta nga bag-ong laya kini ug nag-atubang kanhi sa kasong pagpanulis ug carnapping nga gikumpirma sab sa tagdumala sa Misamis Oriental Provincial Jail.
Ang igsuon sa usa ka biktima nga si Abales niasoy sa kapolisan nga nawala iyang igsuon adlaw’ng Dominggo ug wala na nakabalik.
Giingong gisikop kini sa kapolisan apan nabuhian ra ug karon maoy ilang nahibaloan nga nakabsan sa kinabuhi ang biktima ug gipatay.
Si Dr. Christian Caballes, kinsa maoy nangulo gikan sa Scene of the Crime Operatives-Northern Mindanao, nga samad pinusilan sa ulo maoy hinungdan sa kamatayon sa mga biktima.