KAPIN sa 40 mga mananagat gikan sa Barangay Tanke ug San Isidro sa Dakbayan sa Talisay nangayo og tabang sa konseho human ang ilang mga pukot sa pagpanagat dasmagan sa mga barko.
Ang presidente sa mga mananagat nga si Dondon Caballero, uban sa iyang mga miyembro ning-adto kang Talisay City councilor Antonio Bacaltos Jr., ang tsirman sa kumite sa fishery and aquatic resource.
Reklamo sa mga mangisida wala na silay kapanginabuhian kay ang ilang panagat deretsohon lang sa pagdaro sa mga barko nga moagi.
Maglisod sab sila sa pagbutang sa fish cage ug pagtaktak sa ilang baling kay abogon kasab-an sila sa taga barko nga mag-angkurahe sa kadagatan saTalisay.
“Medyo suko na sila kay apektado ilang panginabuhi gusto na nila daw nga labayog dinamita ako gipakalma dili ipaagi sa kainit sa ulo”dugang ni Bacaltos.
Nagpasalamat sab si Bacaltos, nga mipabiling kalma ang mga mananagat nga nangayog kaangayan.
Si Bacaltos nakig-alayon dayon sa buhatan sa Cebu Port Autority (CPA) aron mahimuag sulosyon ang problema sa mga mananagat.
Gusto nilang masuta sa CPA kun asa gikan sa coastal area ang fishing ground diha sa lugar nga gitugot nga makapanagat ang mga ningreklamong manangatt.
Kay sa nahibaw-an nila nga ubis sa balaod 15 kilometro nga gilay on sa municipal water makapanagat.
Mangayo sab silag abag sa Talisay City Agriculture sa ilang GPS pagsuta gyud sa insaktong utlanan sa dagat kon asa sila makapanagat sa Talisay. GPL