ANG lalawigan sa Sugbo maoy host karong tuiga sa Miss / Mrs. Top of the World Plus Size 2018 nga gidumala sa Muzz Events and Production Services.
Ang maong beauty competition nagsugod nagsugod sa Riga, Latvia ug human sa maong indigay nahimo kining inila sa ubang nasud diin nagkadaghan ang interesado nga mosalmot.
Sa miaging tuig maoy unang higayon sa Pilipinas nga mipadala og representante nga si Jodel Mesina nga gipahigayon sa Singapore ug maoy nakakuha sa korona.
Karong tuiga adunay 16 ka mga kandidata naglangkob nila ni: Kristine Lindenblate – Latvia, Yevgeniya Sikhimbayeva – Kazakhstan, Inna Sukhomlonya – Eastern Europe, Meenal Sujit Thipse – India, Maria Gorodnicheva – Russia, Natalia Rogova – Natl. Director of Russia, Anna Rymarenko – St. Vincent, Iryna Karchenko – Ukraine, Denise Sembrano – West Asia, Sapana Rai – Nepal, Charlene Rosco – South East Asia, Dolce Wan Goh – Singapore, Viktoria Brovuna – Europe, Margarita Gumabao – East Asia, Kimberly Chan – Trinidad & Tobago ug Kristiana Causing – Central Asia.
Si Lapu-Lapu City Mayor Paz Radaza maoy mi-abi abi sa mga kandidata nga nangabot niadtong Miyerkules.
Coronation night sa Nobiyembre 10, sa Be Mactan Resort, Barangay Punta Engaño, Lapu-Lapu City. PR