Xavier nakuha unang daug sa MPG Football

PANAGHIGALAAY. Ang mga coaches, gikan sa wala, sila Lanz Torrecha sa Xavier University, Celina Simone Jaldon sa Ateneo de Davao University, Zeus Sayson sa Ramon Magsaysay Memorial College ug Leonard Yu sa USEP Davao nga bisan og magkontra sa MPG Football Invitation Tournament nitigbabaw gihapon ang ilang panaghigalaay nga maoy tumong sa torneyo. (Marianne Saberon Abalayan)
PANAGHIGALAAY. Ang mga coaches, gikan sa wala, sila Lanz Torrecha sa Xavier University, Celina Simone Jaldon sa Ateneo de Davao University, Zeus Sayson sa Ramon Magsaysay Memorial College ug Leonard Yu sa USEP Davao nga bisan og magkontra sa MPG Football Invitation Tournament nitigbabaw gihapon ang ilang panaghigalaay nga maoy tumong sa torneyo. (Marianne Saberon Abalayan)

NATALA sa Xavier University (XU) ang unang daug sa pagsugod sa 2nd Mindanao Peace Games (MPG) Football Inter-Invitation 11-A-side 24 under Men Tournament didto sa Agro-Tionko Field, Davao City kagahapong adlawa.

Wala gipapuntos sa Xavier ang Ateneo de Davao University (AdDU) sa iskor 5-0 diin giulohan ni Chaz Rosales nga mihimo og 2 ka goals.

Matud ni XU Coach Lanz Torrecha nga malipayon siya naimbita ang ilang tim sa kompetisyon, "I'm very happy to play here kay in CDO the football there is almost dead," atol sa Davao Sportwriter Association (DSA) Forum didto sa 2nd floor, SM City Davao Annex kagahapong adlawa.

Samtang bahin ni Coach Celina Simone Jaldon sa AdDU nga wala nila gitan-aw ang kapildihan apan ang nakat-onan sa duwa, "It's a challenge to handle men's team."

Sa unang higayon, apil ang University Southeastern of the Philippines (USEP) Davao sa kompetisyon ubos ni Coach Leonard Yu nga nagtuo mas labaw sa pagduwa ang pagsalmot niini sa tim, "we believe it's more than football in this event, pag-graduate nila they will be leader outside of university."

Anaa sab sa forum si Coach Zeus Sayson sa Ramon Magsaysay Memorial College diin paningkamutan nila madepensahan ang titulo sa torneyo.

Ang kalihukan pormal nga giabli niadtong Miyerkules apan ang duwa gitigian kagahapon. (MRP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph