DEAR Tita Heart,
Maayong adlaw kanimo tita. Tawga kog Cheska, 24, taga El Salvador City. Bag-o lang ko naminyo ug ipon ko karon sa pamilya sa akong bana. Akong problema tita kay bisan gamay nga lihukon sa panimalay gabantayan kos akong mga in-laws. Kung naa ko’y lakwon, sige ko sukit-sukiton asa ko magpaingon. Tita paghuna nako wala koy freedom diring balaya. Gusto nila i-please nako sila kanunay. Unsa akong buhaton?
Cheska
*****
Hello Cheska,
Maayong adlaw sab kanimo. Sigurado ko nga daghan gyod makarelate sa imong problema. Usa gyod na sa problema sa magtiayon ang mga in- laws kung unsaon nimo sila pag please. Respetoha lang gihapon sila. Ang imo sigurong buhaton i-encourage imong bana nga makalain mo sa pagpuyo aron pod diha ma test kung asa kutob ang inyong pagpaningkamot. Mas maayo pod nga lain inyong pagpuyo kay mahimo sab nimo imong gustong buhaton para sa imong mga anak ug pamilya.
Tita Heart