GIBUTYAG ni Presidente Rodrigo Duterte atol sa iyahang pagbisita sa Cagayan de Oro City, nga tanan mga mayor ug gobernador sa nasod iyang gipatawag sa Malacañang ug gi-warningan batok sa mga kalambigitan sa ginadili nga druga.
Ang Presidente nangunay pagtunol sa Certificates of Land Ownership Award (CLOAs) ngadto sa 3,400 ka-benipisaryo, gikan sa lima ka lalawigan sa Northern Mindanao.
Iyang gilakbitan ang mga opisyal niining iyang gipakigbisogan nga giyera kontra druga.
Matud sa Presidente, iyahang gi-warningan ang mga opisyales, nga kung magpadayon niining kalambigitan sa druga iyang pamatyon.
“Giingnan nako sila do not destroy the children of my country I will kill you. Gipatawag nako ang governor ug mayor kay gisirad-an nako tungod man naa gyod nangamatay. Putang-*** sinabi ko na sayo huwag eh,” matud ni Duterte.
Dismayado si Duterte sa pipila ka mga opisyales nga nalambigit sa mga korapsyon lakip niining ginadili nga druga.
Panapos nga warning ni Duterte sa iyang mga sakop lakip ang mga opisyal sa nasod.
“Nganong molulo ka man anang shabu nga madisgrasya kaman gyod,” matud sa Presidente.
Lakip sa iyang gipasabot ang daghang druga nga nadiskubre karon sa iyang administrasyon nga kaniadto gitago lang og maayo. (SVB)