MOABOT na ngadto sa 43 ka mga tawo na ang nadakpan tungod sa kalapasan sa gun ban sa Central Mindanao sukad kini gipatuman niadtong Enero 10.

Matud ni Soccsksargen Regional Director Chief Superintendent Josefino Catalu¤a nga sugod niadtong Pebrero 4, kapin sa 16 ka mga tawo nga milapas sa gun ban ang naaresto sa Cotabato City, 10 sa North Cotabato, siyam sa siyudad sa Heneral Santos, lima sa Sultan Kudarat, tulo sa South Cotabato ug usa sa Sarangani Province.

Napasaka na ang kasong illegal possession of firearms ug kalapasan sa Commission on Elections (Comelec) gun ban batok sa 34 ka tawo samtang ang uban gi-imbestigar pa.

Sa 43 ka mga nasikop, 41 ka mga armas ang nakumpiska nga gilangkuban sa 25 ka high powered rifles ug 16 ka mga handguns, unom ka mga bladed weapons ug granada.

Gidugang ni Cataluna nga mas gipalig-on pa nila ang Comelec gun ban sa mga lugar nga hulga ang seguridad sa katawhan sa taliabot nga piniliay gumikan sa presensya sa mga armadong grupo. (Edgardo Fuerzas)