GILUSAD ang suggested retail price (SRP) sa mga bugas sa dakbayan sa Cagayan de Oro niadtong Nobyembre 8, 2018 sa Cogon market pinangulohan sa National Food Authority (NFA), Department of Trade and Industry (DTI) ug Department of Agriculture (DA).
Gibutyag ni Dianne Silva, regional director sa NFA-Northern Mindanao, nga ang pagpatuman sa SRP sa mga bugas kadaugan sa mga konsumante.
Gawas sa gipatuman nga SRP gidili na usab ang pagbutang sa mga nagkadaiyang ngalan ug upat na lamang ka klasipikasiyon ang kinahanglan nga makita sa mga milled rice diin mao ang regular milled, well milled, premium grade ug special rice.
Ang presyo sa lokal nga bugas mao P39 matag kilo sa regular milled, P44 sa well-milled ug P47 sa premium grade rice.
Gibutyag usab ni Almer Masillones, DTI-Misamis Oriental Provincial Office OIC, nga ang dili mopatuman niini mahimong isyuhan og letter ug kung dili gayud mopatuman isyuhan na kini og notice of violation.
Gidugang usab ni Kagawad George Goking, sa komitiba sa Trade and commerce nga nga ang dili mopatuman ang DTI na ang magpa-implementar niini.
“Sa DTI na na nga trabaho, ang implementing kung magmagahi ang trade,” pahayag ni Goking.