Talento: PSPF 1st gathering

HELLO, mga kahigalaan, kumusta ang mga lagay ninyo diyan? “Kalagayan” kun kahimtang og dili kanang “lagay” nga nagbitay ang akong ginakumusta, klaro bah?

Anyway, excited na ako kay kung itugot sa Ginoo, magtapuktapok karong Disyembre uno ning tuiga ang mga opisyales sa solo parent sa matag-barangay, dakbayan sa Panabo. Gibana-banaang saes siyentos, yes, 600 ka mga opisyal kay tag kinse man matag-barangay (15x40) ang mag-abot sa ARF Covered Gym aron sayron kung unsa ang RA 8972 o ang Solo Partents Welfare Act of 2000.

Importante kini, mga higala, kay ang pagtuon nagpakita nga reyalidad na karong henerasyon nga daghan - gani 50 porsiyento na sa mga pamilya ang adunay nag-inusarang ginikanan nga nagpadako sa ilang mga kaanakan.

Akong pag-ampo nga mahimong malampuson kining pinakaunang panagtigum sa mga opisyales sa solo parent aron ma-edukar sa mga katungod, responsibilidad ug mga benepisyo nga gilatid sa Republic Act 8972.

Sa nasuwat nako niadtong mga milabay'ng higayon, daghan pa ang ignorante sa maong balaod mao wala natagaan og maayong pagtagad ang grupo sa solo parents.

Nganong opisyal lang sa magtapok? Bag-o pa man god natukod ang pederasyon mao unahaon sa Panabo Solo Parents Federation (PSPF) ang pagpalig-on sa pundasyon sa maong grupo pinaagi sa kampanya sa Information & Education.

Ang panagtapok sa December 1, 2018 sa solo parent officers matag-barangay mao pod ang higayon nga maglusad og konsultasyon sa mga miyembro aron makagama og mga maayong plano ug proyekto nga makabenepisyo sa matag-miyembro niini. Siyempre adunay ginagmay'ng pahalipay ug mga kalingawan.

Akong hangyuon ang matag-barangay kapitan sa Panabo isip presidente sa pederasyon, nga kuyogan aron makatambong tanang mga opisyal sa panagtigum tungod ang katuyoan niini mao ang pagpanerbisyo man gihapon.

Sa interesado mosuporta sa among pundok, ug kadtong dunay mga pangutana, palihug pangitaa ang among facebook account: Panabo Solo Parents Federacion. Mahimo pod ninyong pangitaon si Ma'am Sugar Alegarbes, ang CSWDO focal person. Kitakits solo parents officers!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph