GISUGDAN na sa Philippine Sports Commission (PSC) ang serye sa dayalogo sa mga National Sports Associations (NSAs) partikular na ang mga may problemang internal aron paminawon ang mga reklamo sa mga kanhi miyembro niini.
Una nang giatubang sa PSC ang mga kanhi miyembro sa Philippine Taekwondo Association (PTA) nga nagpagawas sa ilang gibati.
Matod ni Ramirez, wala silay planong manghilabot sa problema sa NSAs apan gusto nila paminawon ang mulo sa mga miyembro niini ug mangita og solusyon kung duna man.
“We are here not to intervene but to listen,” pahayag ni Ramirez. “What we can do is to present this to the consultative meeting wuth the POC and help them find a solution,” matod sa PSC chief.
Lakip sa guidelines sa PSC alang sa maong dayalogo ang paminawon kung unsa man ang problema sa mga kanhi miyembro sa NSAs, makigtimbayayong niini ug pangitaan og solusyon.
“After these series of dialogues, the complaints and information we will gather, we will discuss this on Wednesday, Nov. 14 with my Board of Commissioners, the Executive Director, Deputy Exec Directors, my chief of staff and 4 lawyers who have background in sports,” matod pa sa guidelines ni Ramirez.
Pormal nga ipasa PSC ang mga mulo sa ilang consultative meeting kauban ang POC sa unang semana sa Disyembre ug gilauman nga may aksyon dayon ang maong kumite mahitungod niini.
Una nang na-istorya sa PSC ang mga NSAs nga Table Tennis, Dragonboat ug Swimming. (PR)