MGA 40,000 ka mga tawo ang makabenepisyo sa trabaho nga gilusad sa Ayala Land Inc. nga usa ka Techno park niadtong Nobyembre 7, sa Alubijid ug Laguindingan, Misamis Oriental.
Gilusad ug gipahigayon usab ang groundbreaking sa Ayala “new center of trade and commerce” sa rehiyon ilabi na ang Habini Bay diin kumbinasiyon kini gikan sa pulong sa tagalog nga “habi” diin nagpasabot nga weave ug “bighani” o charm.
Matud ni Rico Manuel, Assistant Vice President and Business Development Head for Mindanao nga ang target niining maong proyekto mao ang daghang trabaho diin mokabat sa 40,000 ang makatrabaho.
“Habang lumalaki na yung Habini Bay ang ultimate target natin at least 40,000 workers ang gusto nating magtrabaho dyan,” pahayag ni Manuel.
Gidugang pa nga prayoridad niini mao ang mga taga Mindanao.
“It's hard to say all but majority of them will come from Mindanao, iaalok muna natin within the area yung mga skills na kailangan, unang offer ay laging in the local community,” dugang ni Manuel.
Mapasigarbuhon usab niini nga gibutyag nga kini mao lamang ang Technopark sa dapit nga duol ug konektado sa tanan nga mamahimong mapasayon sa katawhan.
“This would be the first and probably only estate in the country with the seamless air, land and sea connection, magkakalapit lahat,” pahayag ni Manuel.
Kumpiyansa usab ang Vice president ug Chief operating officer sa Visayas-Mindanao group, Ayala Land nga si Jun Bisnar nga kini lakip na usab sa kontribusiyon sa ilang kampanya sa nasud.
“We think that this is our contribution to the National Development, we believe that the efforts of the President that bring Peace to Mindanao is very strong especially the BBL law that most likely bring long lasting peace to the past issues, we expect that more investors will come in and contribute for improving the lives of more Filipinos,” matud ni Bisnar.
“Yan ho ang promise naming sa inyo, yan ho ang dadalhin natin ditto, economic growth and trabaho ang dadalhin natin sa Habini Bay’ dugang usab ni Manuel.
Nagbubo ang Ayala og P14 bilyones alang niining maong proyekto diin dunay mokabat sa 256 ektarya. Gitakda usab nga tukoron ang mga hotel, affordable lamang nga mga pinuy-anan, Technical and Vocational school ug uban pa.