INGON sa adunay gi-igo si Janella Salvador sa iyang Instagram post nga nipahinumdum ngadto sa iyang followers nga mo-angkon gyud sa higayon nga masayop.
“A world where people don’t let their mouths speak ignorantly knowing very well how words can severely damage lives.
“Come on. It’s time for us to do better at being human. Yes?” post sa Kapamilya actress sa iyang IG.
Kahinumduman nga sa mga nangaging semana nagpasumbingay ang aktres kabahin sa physical abused diin daghan ang nagtuo nga ang iyang on-screen partner ug boyfriend Elmo Magalona maoy gitumbok nga responsable.
Sa laing taho ang inahan ni Janella nga si Jenine Desiderio mibulgar nga miduaw kaniya si Elmo sa ilang balay sa Laguna ug misaad nga mopagawas og public apology alang ni Janella, apan pakyas ang actor sa pagtuman sa maong saad.
Nagtuo si Jenine nga mao kadto ang nakapakombinser sa iyang anak nga iyagyag ang binutahan ni Elmo ngadto sa media. (B)