TULO ka mga gituohang drug pusher ang nasikop samtang patay ang laing tulo pa nga wanted sa balaud atol sa anti-drug operation sa Police Regional Office (PRO)-Davao sa milabay'ng semana sa Tagum City.

Una niini, pito ka mga search warrants ang gipagula sa RTC sa Tagum City batok sa mga suspek, diin atol sa ronda, naaktuhan ang unom sa ilang ilegal nga transaksyon sa druga.

Dihang ilang natimahoan nga mga pulis ang mironda kanila, daling misukol sila Bryan Dompol, Rene Luayon ug usa ka Edwin Rosolla gamit ang ilang mga paltik nga armas hinungdan nga napatay sila sa mga pulis.

Nasikop sab ang kaubanan nga sila Bambi Nueva, Marlon Ponce ug Edward Benisilon samtang nakasibat ang usa ka Sofronio Samson, pulos mga nagpuyo sa Tagum City.

Mga paki-pakite nga gituohang shabu ug mga drug paraphernalia ang nakuha sa posisyon sa mga dinakpan nga maoy himuon ebedensya didto sa korte. (JPC)