SUPERBALITA CEBU

P10k ang suhol aron di mosaba?

MOKANTIDAD sa P10,000 nga cash nga maoy gisuhol ni kanhi Bohol Provincial Board Member Niño Rey Boniel ngadto sa iyang ig-agaw nga si Riolito Boniel kinsa nagsilbing skipper sa pumpboat diin gisakay si kanhi Bien Unido Bohol Mayor Gisela Boniel.

Sa nagpadayon nga direct examination ni Riolito niadtong Nobiyembre 9 sa kasong pagpatay ni Mayor Gisela niadtong Hunyo 7, 2017 diha sa Municipal Trial Court in Cities (MTCC) Branch 3 sa Lapu-Lapu Hall of Justice nga human nga gilabay ang patayng lawas sa biktima sa kadagatan sa Caubian islet sakop sa Olango, nagpahatod si PB Boniel sa Barangay Punta Engaño, Lapu-Lapu City sakay sa maong pumpboat.

Igo nga midunggo ang pumpboat sa Punta Engaño gitunolan si Riolito ni Niño Rey og sobre nga adunay sud nga kuwarta dungan sa pag-ingon: “Gaw, imo ni gaw oh. Ayawg saba.”

“Suhol to sa gisugo niya nako,” tipik sa pamahayag ni Riolito diha sa witness stand sa dihang gisukitsukit ni Senior State Prosecutor Juan Pedro Navera sa Department of Justice.

Nakita pa ni Riolito ang kanhi opisyal nga gisugat sa usa ka tawo nga nagsul-ob og helmet ug miangkas si PB Boniel sa gimaneho nga motorsiklo sa wa nganli nga lalake.

Gipasidan-an usab ang maong star witness ni PB Boniel nga di motug-an ni bisan kinsa nga nagkakuyog sila lakip na ang pagmando nga mosibat ug mipasalig ang kanhi opisyal nga maoy ra unyay mo-atiman sa pamilya niini sa iya paglayas.

Apan wa kini tumana ni Riolito ug napugos og surrender ngadto sa kapulisan sa Bien Unido, Bohol sa dihang gisagunsonan na siya og tawag nga gipangutana sa mga pulis kon iya pa bang gikakuyog si PB Boniel.

Ang suhol nga nadawat ni Riolito wa niya mapahimusli og gisakmit sa mga pulis sa Police Regional Office 7 atol na sa paghimo og hot pursuit o follow up operation sa dihang gikatahong na-missing na ang biktima.

Si Atty. Amando Virgil Ligutan, abogado sa kampo sa biktima nga ang nagpadayong direct examination ni Riolito kabahin pa sa gisang-at nga motion to discharge sa witness protection program apan ang iyang mga giluwatang pamahayag sa korte dako og ikatabang sa habig sa prosecution.

“Once the judge says that Riolito is discharge from the state witness, automatic he is acquitted,” pasabot ni Ligutan.

Sa Nobiyembre 23, 2018 nauyonan sa duha ka habig nga tiwason ang direct examination sa maong witness. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph