SECTIONS
Thursday, July 18, 2019
BACOLOD

Bañoc: Pahoy nga mga senador, kongresista

SUD-ONGA ang resulta sa kairesponsabli, kamapahitas-on, ka walay kaikog ug katalawan sa mga senador sa minoriya dihang ilang giboykot ang katapusang adlaw sa session sa Senado.

Ilang gitalikdan ug gitamakan ang ilang dakong responsibilidad.

Pipila ka mga mahinungdanon nga balauron ug mga reports ang wa na mahatagi ug patagad tungod kay way quorum kay ilang gitagbaw ang ilang kaugalingong interes ug dili ang sa nasud.

Click here for stories and updates on the Sinulog 2010 Festival.

Unang naangol. Hain ka man nga habig sa isyu sa Reproductive Health Bill usa ka butang ang sigurado: kinahanglan nga hatagan na og pagtak-op ang debate may labot niini ug katungod nato nga masayran ang baruganan sa mga magbabalaod may labot niini. Apan ang dalan sa katalaw ang gipili sa minoriya.

Ikaduhang naangol. Duol sa kasingkasing sa mga magsisibya ug mga nagtrabaho sa media ang dugay na nga gipakigbisogan nga Proposed Freedom of Information Act kansang tumong mao ang pagsulbad sa mga legal loopholes kun legal na lutsanan nga gigamit sa mga ahensya sa gobyerno aron dili nato makuha ang mga impormasyon nga kinahanglang masayran sa katawhan.

Lain pang mga gilikayan sa atong mga ‘talahuron’ nga mga senador: Senate Committee of the Whole’s report on the C-5 road controversy; Senate Blue Ribbon Committee’s report on the national broadband network deal; Philippine Immigration Act; The Early Voting Bill; Proposed Philippine Tax Academy, New Central Bank Act; Cybercrime Prevention Act; National Telecommunications Commission Reorganization Act;LPG Industry Regulation and Safety Act; ug An Act Defining and Penalizing the Crime of Enforced or Involuntary Disappearance.

Pinaagi sa usa ka hinanggaw nga pamalibad niingon ang minoriya ilang giboykot ang session tungod kay buot nila nga di mapasar ang duha ka mga balauron nga matod nila nagduso sa interes sa administrasyon. Niabot na ang panahon nga mismo ang iyang kaugalingon nga bakak gituohan na ni Sen. Alan Peter Cayetano.

Sayang ka, Peter. Too young but too _______! Libre ang publiko mo-supply sa ilang paghulagway.

Dili magpauwahi ang dugay na nadunot nga Lower House. Lakip sa naligsan sa ilang tinunto (ang ilang wa pagtunga sa katapusang session day) mao ang hingpit nga pagresolbar sa sungi ni Tining Martines ug Benhur Salimbangon. Kinsay may motuo nga gikalibang silang tanan mao nga wa sila katunga?

Apan sa mga higayon nga gisugo sila ni Arroyo nga tungahon ang session aron patyon ang impeachment batok ning peke nga presidente, nisugot sila bisan binuntagay.

Sa gihapon daghan kanato ang motulon sa ilang ihatag nga rason.

(birada_ruphil@yahoo.com)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph