NFA naghulat og sample sa pekeng bugas

GIBUTYAG sa kadagkoan sa National Food Authority (NFA)-Northern Mindanao nga naghulat sila og sample sa pekeng bugas nga nadiskubre didto sa Davao. 

Matod ni NFA-Northern Mindanao Assistant Regional Director Victoria Duray nga gipadala na sa kaulohan aron ipaubos og laboratory testing kon eksamin ang bugas nga nadiskubre sa Dakbayan sa Davao apan wala pay resulta. 

Giklaro niini nga wala pa ilang buhatan nakahupot sa hilaw nga bugas aron unta maoy mabasihan sa mga rice retailer ug sa mga mamaligyaay sa bugas aron makumpara. 

Hinuon gibutyag ni Duray nga aduna na silay team o mga personahe gikan sa ilang buhatan nga mosusi sa kamerkaduhan sa tibuok rehiyon paghibalo kung aduna nay presesnya niining bugas. 

Mipahimangno kini sa mga rice dealer nga likayan ang pagbaligya sa bugas tungod kay makadaot kini sa panglawas. 

Gibutyag usab ni Duray nga kung smuggled rice ang pekeng bugas, ang labing unang mosusi niini ang Bureau of Customs samtang ang Department of Trade and Industry uban sa Department of Food and Drug Administration ang ga-monitor sa presyo ug kalidad niini. 

Sa kasamtangan ang samples gipaubos na sa laboratory testing ug gidala na ngadto sa NFA Food Development Center (NFA-FDC) didto sa Taguig. 

Niadtong Miyerkules gibutyag ni Helen Osin, Regional President sa Confederation of Grains and Retailers Association of the Philippine Inc. (Grecon- Northern Mindanao) nga timailhan sa pekeng bugas, mamatikdan ang grabeng kaputi, kasinaw nga giingong hinimo sa tam-is nga patatas ug gisagolan sa plastic nga raisins. 

Ang plastic ang delikado kaayo sa panglawas kay dako ang kadaot niini sa digestive system sa tawo. 

Gawas niini, dili mapan-os ang pekeng bugas sulod sa upat ka adlaw ug kung kumoton, mogawas ang tubig ug humot usab kini tungod sa gibutang nga spray. 

Aghat ni Osin sa katawhan sa dakbayan ug tibuok rehiyon nga magbinantayon sa ilang gipalit aron dili mabiktima niining pekeng bugas samtang padayon pa kining gisusi. (NVB)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph