MAS type nako ang “Sugarol” nga gikanta ni Maris Racal sa Himig Handog 2018 songwriting competition niadtong Dominggo sa ASAP.
Simple ra ang kanta pero nindot og recall ug catchy ang iyang lyrics. Ang tono sa ubang mga finalist kay imported ra kaayo. Ang “Sugarol” mas dali kantahon ug easy-listening siya.
Wa nako mahibong nga ang “Sugarol” ang napiling MOR Philippines Choice ug TFC’s Global Choice for Favorite Song. Nidaug sad ni nga MYX Choice for Best Music Video.
Hain diay si JM?
Wa ko magtuo nga ang kantang “Sa Mga Bituin na Lang Ibubulong” ang modaug sa Himig Handog.
Ang orihinal diay nga nikanta sa album ang aktor nga si JM de Guzman. Apan sa grand finals niadtong Dominggo ngano kahang si Jason Dy na ang gipakanta? Nangita kaha og mas season nga singer ang composer?
Kon dili pa pareho kamaayo ni Jason Dy ang nikanta sa “Sa Mga Bituin na Lang Ibubulong,” makadaug kaha gihapon tong kantaha? Sa akong tan-aw maorag di. Hehe..
Beauty Secret
Si Ms. Charo Santos-Concio nga maoy bag-ong ambassadress karon sa DiaGold Jewelry ang espesyal nga bisita sa DiaGold’s 10th anniversary celebration niadtong Biyernes.
Ang TV host-aktres game nga nakig-chika sa mga Lifestyle ug entertainment writers sa Sugbo atol sa salo-salong paniudto sa Radisson Blu.
Akong gipangutana si Ms. Charo kon unsay iyang beauty secret ug ngano batan-on gihapon siya tan-awon. Nindot kaayo siyag tubag. Basaha ugma ang atong Q and A niya sa Ssssuper Ka!
PBB Otso
In fairness, interesting ang mga housemates karon ni Kuya sa Pinoy Big Brother: Otso.
Kon nakabantay mo daghan nila mga Bisaya. Naay pareho og nawong ni Kim Chiu ug naa say lovechild kuno siya sa usa ka mayor sa Sugbo.
Ang ako lang nabantayan kay dili na natural ang mga housemates ni Kuya ug daghan nila mga “overacting” na.
Pareho atong komedyanteng housemate nga si Lei nga maorag si Maymay ug Melay ang dating. Makalingaw siya nga makalagot. Haha.. Sige lang tagaa’g chance.
Tongi or Toengi?
Dunay nangutana kon unsa gyuy saktong spelling sa pangan sa aktres nga si G Tongi or G Toengi?
Okay nia ang trivia: Ang tinuod gyud niyang pangan Giselle Tongi. Pagsugod niya sa showbiz si Mother Lily Monteverde kuno ang nagmugna nga pun-an og “e” ang iyang apilyido aron pampasuwerte.
Apan dihang nagbalikbayan si G gikan sa New York niadtong 2001 iya nang gigamit og balik ang sakto niyang spelling nga Tongi nga mao say naa sa iyang legal documents. Getz nimo Dong Ariel ug Inday Ghin? Hehe...