PSC-PSI Grassroots Coaching Certification Program sa Tagum

TAGUM CITY -- Ang lima ka adlaw nga Philippine Sports Commission-Philippine Sports Institute (PSC-PSI) Grassroots Coaching Certification Program gisugdan na kagahapon didto sa Davao del Norte Sports and Tourism Complex.

Si PSC Chairman William "Butch" Ramirez miingon nga ang edukasyon sa mga coaches usa ka importante alang sa pagpalambo sa "standards" ug pagpataas sa katunhay sa coaches ug "competitiveness" sa mga atleta sa grassroots level.

"If the coaches improve, the athletes will also improve," pahayag niya sa press conference uban ang Department of Education (Deped)-PSC National Sports Planning Workshop sa Davao City.

Si PSC consultant Prof. Henry Daut, naghisgut sa Sport/Coaching Philosophy & Sport Pedagogy, misulti nga ang Grassroots Coaching Certification Program usa ka multi-level (Levels I, II, III) course for elementary, secondary ug tertiary coaches.

Ang lima ka adlaw nga programa, matud niya, gilangkuban og duha ka adlaw nga "theoretical" ug tulo ka adlaw nga sports specific training nga kinahanglan makapasa og eksaminasyon ug praktikal skills demonstration.

Ang mga nagtudlo sa "theoretical courses" kay mga eksperto sa sports science samtang ang sports specific training pangulohan sa national coaches.

Sulti ni Daut, "Davnor will host the pilot run of the program with 70 elementary and high school coaches from public and private schools. It is designed to provide coaches the foundation for successful coaching by enhancing their knowledge and competencies to improve the quality of sports in the schools."

Ang Level 1 Course gikalambigitan og Sports Philosophy/Principles of Coaching, Sports Ethics, Sport Physiology, Sport Psychology, Talent Identification, Sport Pedagogy ug Sport Specific Skills Training. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph