SUPERBALITA CAGAYAN DE ORO

Todino: Mental health

Pro Bono

NAKITA nato unsa ka agresibo ang administrasiyon ni President Rodrigo Duterte sa kampanya batok sa illegal nga drugas ug corruption.

Apan, taliwa niining pagpang-ihaw sa mga tawo nga nangalambigit sa drugas ug pagpalagpot sa katungdanan niadtong nasuta nga nangurakot, naa gihapon ang problema.

Unsa may hinungdanan ani? Nganong dili man gyud masumpo ang problema? Depektoso ba ang programa sa gobiyerno sa ilang kampaniya batok sa kahiwian sa atong katilingban?

Bisan sa iyang kaburingog, kining tawo masayod gihapon kon daotan o maayo iyang gibuhat. Masugamak lamang siya sa kadaotan, kana kay ginunta niya ang daotang panghunahuna.

Kining maong kondisiyon sa atong palibot karon mapasangil nato sa mental health sa usa ka tawo nga nakaapekto sa iyang panghunahuna, pagbati ug paglihok.

Ug dili lang ang gobiyerno angay mabasol kon salikwaot na kaayo ang mental health sa katawhan.

Obserbahi ra gud atong palibot karon. Naghatag ba og kaayohan sa kadaghanan? Unsa may gipanglawog sa atong mga sinehan, telebisyon ug social media diha sa atong panghunahuna?

Unsa may kaayohan nga gipakita, bisan diha nalang mismo sa atong barangay. Kumusta ang simbahan ug mga eskwelahan, nanghatag ba sila og hingpit nga kaayohan nga mopahimsog sa atong panghunahuna, pagbati og panglihok?

Bisan sa yanong mga kanta karon, madungog nato kon giunsa pag-promote ang sex sama sa atong makita diha sa mga billboard.

Milagro na kaayo karon kon ang usa ka salida nga gitawag nila family oriented nga walay eskena sa sex ug violence.

Kining tanan nga salawayon, dautan ug ngil-ad nga sitwasiyon nga kanunay makita, madungong ug masinati sa tawo matag adlaw dako kana og epekto sa panghunahuna.

Kon dili himsog ang mental health sa tawo, makapaabot ba ta og maayong gawi o panglihoklihok.

Dili man tuod mogamit og drugas, dili mangawat apan kon mabikil dali ra kaayong mobanghag. Makita ni nato diha sa kadalanan labi na niadtong nagmaniho og mga sakyanan.

Bisan diha sud sa panimay, dili gyud makalingkawas kining mga pagtamay, pagbalikas, panghimaraot, kalagot, kasina, pagdumot ug uban pang mga negatibong pagbati. Kining tanan naggumikan sa dili maayo panghunahuna.

Kon atong utingkayon ang ugat sa problema bahin nining mental health, klaro kaayo nga masuta nato ang kakuwang sa espirituhanon nga giya.

Duha ra man gud ni. Daotan ug maayo. Kang Satanas ug sa Ginoo. Kon nagbuhat ka og salawayon, nan, tataw nga nagpahilayo ka sa Ginoo.

Sulayi ra gud, bisan kining mga tawo nga nahigot na pag-ayo sa kadaotan, kon malamdagan na sila bahin sa Ginoo, makita nimo ang dakong kausaban sa ilang kinabuhi.

Dili nato tugotan nga magmadaogon ang daotan sa atong palibot. Ibayaw nato ang maayo batok sa salawayon pinaagi sa pagdikit ug pagduol kanunay sa Ginoo.

Imagina kuno, kon pulos maayo atong makita sa palibot, naa ang gugma, pakigdait, pagtahod, respeto, paghinatagay, ug pagbinatiay. Di nata magkinahanglan pa og prisohan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph