MGA anaa sa 20 ngadto 30 porsinto na lamang ang wala nagtuman pag-block sa “porn sites” sa mga internetan sa dakbayan sa Cagayan de Oro diin anaa na sa 50 porsinto ang nagtuman niini niadtong bulan sa Abril.
Matud ni Antonio Resma Jr., sa Regulatory and Complaint Board (RCB), nga gumikan sa ilang hugot nga pagpatuman sa ordinansa sa dakbayan ug sa kampanya aron nga mamahimong child-friendly city hinungdan nga ubay-ubay na usab ang nagtuman ilabi na sa pag-block sa mga law-ay nga mga sites.
“Estimate nako naa nalang sa 20-30 porsinto kay when we checked before last April naa na man to sa 50 porsinto ang naka block na, kalooy sa Ginoo sa atong pag monitor and inspect ubay uban naman ga comply gyud sa blocking program,” pahayag ni Resma.
Sa ulahing inspeksiyon, nasutang maka-abli pa sa law-ay nga site o porn sites hinungdan nga gi-isyuhan kini og notice of violation sa dihang gipasulayan kini sa pag-abli.
“Yes, pag check namo maka access sa porn ang computers but wala mi actual na kita nag access while nag inspection mi, gaming lang ang minors,” dugang ni Resma.
Nasayran nga hugot ang kampanya batok sa mga susama niini gumikan na usab kay posibleng tungod sa mga makitang mga law-ay nga butang sa social media posibleng ma-impluwensiyahan ang mga kabataan sa paghimo og dautan ilabi na kung dili kini ma edukar.
Ang establsitamento ang na-isyuhan na og notice of violation diin posibleng makamulta tungod sa nahimong kalapasan sa ordinansa sa dakbayan.