IKADUHA pa lamang nga semana sa bulan sa Nobyembre apan ubay-ubay na ka mga menor de edad ang nasapong anaa sulod sa internetan.
Mokabat sa 56 ka mga menor de edad na ang nakuha sa tinugyanan sa Regulatory and Complaint Board (RCB) karong mga panahona.
Sa pakighinabi kang Antonio Resma Jr., sa RCB, nga kini tipik sa pagpalig-on sa kampanya aron nga mamahimong child-friendly city ug sa ordinansa sa pagdili sa mga menor de edad sulod sa mga internetan panahon sa tingklase.
”Yes, kanang 56 is for November lang as we strengthen our campaign dala na usab ang pag conduct sa Information and Education Campaign (IEC) sa regulations in line with the National Children's Month Celebration,” pahayag ni Resma.
Ulahing naluwas sa RCB kauban ang Barangay Council for the Protection of Children sa Barangay Macabalan ug sa Women and Children’s Protection Desk sa Police station 5 sa Macabalan.
Na-isyuhan na usab og notice of violation ang mga establistamento ug sa pagkakaron, padayon pa ang pag-edukar ug pagpahigayon sa RCB og inspeksiyon.