HUMAN miposte og duha ka daug gikan sa pagkapildi, nakuha ni Dabawenya Sydney Sy Tancontian ang medalyang bronze sa unang pakigtigi sa World Sambo Championships 2018 sa Bucharest, Romania.
Kini ang unang medalya sa nasud sa maong torneyo.
Ang 18 anyos, planong mokuha og Sports Science sa kolehiyo sa University of Sto. Tomas, nakalingkawas sa 2-1 batok sa mas tigulang ug dakong kalaban nga sila Mirtha Caridad Nieves sa Cuba ug Karina Stefanovic sa Lithuania sa women's +80 kilograms division.
Apan napakyas si Tancontian sa defending champion Anna Balashova kinsa napildi sab ni Georgia's Elene Kebadze sa ilang pag-ilog og bulawang medalya.
Luyo niini, di gihapon siya makatuo sa iyang naabot, “Parang yesterday it was all just a hope and a dream pero a day po pala can change everything as long as you have the heart to give it your all, with the help of God everything is possible.”
Gihinumdom sab ni Tancontian nga nahimo niya ang “uchi-mata” atol sa iyang away kontra Cuban dayon nakaiskor siya pinaagi “ippon seoi-nage opposite” sa Lithuanian.
“Yung mindset ko po talaga in every competition, national or international man, is never back down especially when we have to travel much time going to that place. I believe po kasi if you are enjoying and you have the heart, everything else will follow,” sulti sa 2017 SEA Games judo bronze medalist sa SunStar Davao sa Facebook interbyu. (MLSA)