BAYBAY CITY -- Duha ka patay nga mga oarfish nakit-an sa kabaybayonan sa Barangay Sta. Cruz, Baybay City, Leyte.
Matod sa mga residente, kini maoy labing unang higayon nga may nadagsa nga oarfish sa ilang baybayon.
Nangahadlok ang pipila ka mga tawo gumikan kay mao kini timailhan nga dunay posibleng kusog nga linog kay nabulabog kini ilawom sa dagat.
Sa pagbisita sa mga kawani sa Bureau Fishiries ang Aquatic Resources (BFAR), gisukod ang maong mga oarfish.
Duna kini gitas-on nga 15 ka tiil ug gibana bana nga kapin 20 kilos ang timbang.
Kay patay naman ang mga oarfish, gipalubong kini sa taga BFAR aron di makadisturbo pa ang baho niini.
Di kini unang higayon nga dunay gipangdagsa nga mga oarfish sa Leyte ug ubang mga dapit sa nasod.
Ang oarfish usa ka matang sa isda nga tagsa ra kaayong makit-an sa mga tawo kay sagad naa sa lawom kaayo nga dapit sa dagat magpuyo. (JKDP)