Di na pagpabalik sa nasunogan supakon ni Chan

Nasunog. Nangaugdaw ang balay sa mga lumolupyo sa Sitio Paradise sa Brgy. Pajo, Lapu-Lapu City niadtong Dominggo. Si Lapu-Lapu City Mayor Paz Radaza niingon nga di na niya pabalikon ang mga nasunogan nga nasulod sa three-meter easement sa baybayon nga gimando sa balaud nga di mahimong balayan. Apan si Pajo Barangay Captain Junard Chan supak niini. (Allan Cuizon)
Nasunog. Nangaugdaw ang balay sa mga lumolupyo sa Sitio Paradise sa Brgy. Pajo, Lapu-Lapu City niadtong Dominggo. Si Lapu-Lapu City Mayor Paz Radaza niingon nga di na niya pabalikon ang mga nasunogan nga nasulod sa three-meter easement sa baybayon nga gimando sa balaud nga di mahimong balayan. Apan si Pajo Barangay Captain Junard Chan supak niini. (Allan Cuizon)

SUPAKON ni Pajo Barangay Kapitan Junard Chan ang tinguha ni Lapu-Lapu City Mayor Paz Radaza nga di na pabalikon og tukod kadtong nasunogan nga informal settlers sa dapit nga milapas sa three-meter easement gikan sa baybayon sa Sityo Kitchen, Pajo.

Sila si Chan ug kanhi mayor Arturo Radaza, bana sa mayor, mag-atbang sa 2019 elections.

Samtang si Mayor Radaza nangunay og apod-apod og mga gamit sa kusina, planggana, trapal ug uban pa wa pay labot sa mga goods nga gikan sa Social Welfare Office ngadto sa kapin 50 ka mga pamilya nga nasunogan niadtong Nobiyembre 11 sa buntag.

“Kon dili pabalikon, naa siyay (Radaza) ihatag nga relocation site?,” matod ni Chan.

Nipasalig si Chan ngadto sa iyang apektadong mga konstituente nga iyang duphan aron sila makabalik sa ilang naandang gipuy-an.

Gikuwestiyon sa opisyal kon unsay gigamitan sa dakong pundo sa Siyudad nga gitagana alang sa socialized housing project.

“Masulbad man na ba ang mga balay nga naa diha sa dagat kon dunay socialized housing,” dugang pa sa kapitan.

Una nang namahayag si Radaza nga adunay balaodnon ang Department of Environment and Natural Resources (DENR) nga nagdili nga puy-an ang daplin sa dagat.

Gani, sayo ning tuiga, ang Siyudad mipa-demolish na niadtong balay paabangan ug tangkal sa baboy nga diha na sa dagat ilabi na sa Barangay Ibo, Pusok lakip na sa Mactan nga pulos coastal barangays human nasuta nga taas ang fecal coliform level sa kadagatan sa Mactan (west portion sa Lapu-Lapu).

Bukas sab ang mayor sa sugyot nga kuralon ang shoreline nga magsilbing utlanan aron nga di matukoran og mga balay.

“Naa silay fencing permit? Moagi man na sa barangay,” paapas ni Chan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph