ANG dakbayan sa Davao nailhan sa daghang kabilin ug nindot nga kultura.
Gani ang dakong impluwensya sa atong kasaysayan nabitbit gihapon hangtud karon.
Ang tag-iya sa Yamashita Diner nga si Nexxus Deu Ugay, misubay sa kasaysayan pinaagi sa pagkaon nga naka-inspire kaniya sa pagmugna sa Yamashita Diner ngadto sa reyalidad.
Ug gitukod niya kini sa Mintal - ang lugar nga gipuy-an kaniadto sa mga Hapon.
“Personally, kani nga restaurant pud kay result pud sa akong experience sa Japan. So kung naa man koy gusto nga maexperience ang taga-Davao kay ang Japan through good food,” sulti ni Ugay.
Dugang ni Ugay nga sa iyang pagpuyo sa Japan human kolehiyo mihatag kini kaniya og ideya sa pag-abli og restawran.
“Through my experience sa Japan, nakita nako kung unsa ang mga Japanese restaurant magserve pud sa ilang mga pagkaon ug kani pud sana ako gusto for Mintal,” dugang ni Ugay.
Ang ideya sa pagtukod niini, dugay na gyud plano sa batan-ong negosyante,
“Naghatag gyud ko'g plan for this. Nagprepare ko og marketing plan for this one para clean ang pagexecute sa business.”
Sa pagkaon, gipaneguro ni Ugay nga kung unsa pagkaluto sa mga Hapon mao sab ang i-serve.
“Gi sure pud gyud nako na katong nakita ug natun-an nako sa Japan kay matudlo pud nako sa akong workers. Ako pud usually ang ga-test kung okay na iyang taste.”