Lagda sa local absentee voting giluwatan; kinsa ang kwalipikado?

COMELEC niluwat na sa mga lagda alang sa local absentee voting subay sa May 13, 2019 midterm elections.

Gipakanaog sa Comelec ang Resolution 10443 nga nagladlad sa mga lagda ug regulasyon niini subay sa eleksiyon sa Mayo sunod tuig.

Lakip sa mga mahimong makapahimulos niini ang mga opisyal ug kawani sa gobiyerno, sama sa mga pulis ug sundawo nga mohimo o election duties sa laing dapit atol sa piniliay.

Ang mga sakop sa media nga mo-cover sa eleksiyon ug di maka-botar, mahimo sab nga mag-absentee voting.

Giklaro ni Cebu Provincial Comelec Officer Ferdinand Gujilde nga kinahanglang rehistrado na daan ang mga mosalmot niini.

Kinahanglan pa usab nga moduso og application form hangtod sa Marso 11, 2019 ngadto sa mga labaw sa mga government officials and employees ingun man sa mga sakop sa PN ug AFP.

Ang local media practitioners moduso sa ilang application form ngadto sa buhatan sa election officer sa mga highly urbanized city o kaha sa buhatan sa provincial election supervisor.

Gitakda sa Abril 29, 30 ug Mayo 1, 2019 ang local absentee voting. Partylist ug mga senador lang hinuon ang mahimo nilang mabotaran.

“Di ka kabotar sa ilang local officials (if you’re assigned at a certain city or municipality out of your place of registration) kay dili man ka ilang jurisdiction but sa national position, jurisdiction ka wherever you are,” matod ni Gujilde. Manual ra ang paagi sa pagbotar atol sa local absentee voting. AZLG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph