Emergency department sa VSMMC dunay 100-bed nga kapasidad

Bag-ong Emergency Department. Si Dr. Gerardo Aquino (tuo) mipakita sa mga tigbalita sa 100 bed nga kapasidad sa bag-ong emergency department sa Vicente Sotto Memorial Medical Center (VSMMC) nga giinagurahan kagahapon, Nobiyembre 14. (Amper Campaña)
Bag-ong Emergency Department. Si Dr. Gerardo Aquino (tuo) mipakita sa mga tigbalita sa 100 bed nga kapasidad sa bag-ong emergency department sa Vicente Sotto Memorial Medical Center (VSMMC) nga giinagurahan kagahapon, Nobiyembre 14. (Amper Campaña)

BAG-O ug mas dako nga emergency room ang magamit sa mga pasyente sa Vicente Sotto Memorial Medical Center (VSMMC) human giinagurahan ang mas dako nga Emergency Department niadtong Miyerkules, Nobiyembre 14.

Ang bag-ong emergency department nga nagkantidad og P50 milyon, aduna usay P45 milyones nga kantidad sa ekipo, diin dunay 60 ka mga bag-ong higdaanan nga ang tagsa nagkantidad og P150,000.

Matod sa medical chief sa VSMMC nga si Dr. Gerardo Aquino nga sugod karong adlawa, Nobiyembre 15, ila na kining gamiton.

Gawas sa bag-ong pasilidad sa maong tambalanan, kasamtangan usab nga gitrabaho ang second phase sa complex nga nagkantidad og P60 milyones.

Sa ikaduhang phase diin nalakip ang karaan nga emergency room, didto ibutang ang Magnetic Resonance Imaging (MRI), CT Scan, mammogram, ug uban pa.

Gikan sa 50 nga kapasidad sa emergency room, anaa na usab sa 100 ang maserbisyosan sa VSMMC.

Aduna’y gilapdon nga 1,800 metros kwadrado ang maong complex.

Kagahapon lang, naibot sa 77 ka pasyente sa ilang emergency room, matod na usab sa pangu sa Emergency Department sa maong tambalanan nga si Dr. Mari Leo Pataray.

Wa na usa’y Trauma Center ang VSMMC kay matod pa ni Aquino nga aduna’y nagkadaiyang klasipikasyon usab ang bag-ong emergency department, gikan sa green, yellow, ug red zone.

Gitubag usab ni Aquino ang permi nga reklamo nga daw dugay ang admission sa maong tambalanan.

“Kanang man gung moingon nga dugay naadmit, they are admitted already, in less than 4 hours, I can guarantee you. Only they can’t be transferred sa area nila kay wala naman ta’y lugar.”

“Hopefully, as I said, we’re trying to address some of those backlogs. One scenario is really to expand the area. It’s not even a guarantee because the more you improve, the more patients are coming,” matod ni Aquino, kinsa nibutyag nga nagkadaghan ang middle class nga magpatambal usab sa VSMMC.

Libre ang emergency room sa VSMMC ug kasamtangan nga 1,200 ang bed capacity sa ospital, apan molapas ang gidaghanon sa mga pasyente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph