DUHA ka mga hepe sa police station sa Cagayan de Oro City Police Office (Cocpo) ang gipanghulipan.
Gibutyag sa tigpamaba sa Cocpo nga si Superintendent Mardy Hortillosa, nga ang paghulip sa duha ka hepe wala’y kalambigitan sa sunod-sunod nga pagpanulis sa LBC express nga nahitabo sa duha ka police station sa Carmen ug Divisoria.
Gihulipan na ang hepe sa Police Station 1 sa Divisoria na si Police Chief Inspector Julius Clark Macariola, kinsa nadestino na sa City Personnel Holding and Accounting Unit. Samtang nagpaabot sa iskedyul sa schooling ug nahulipan kini ni Police Senior Inspector Rustico Galagala Jr.
Samtang mphulip usab ni Police Senior Inspector Demver Vergara sa Police Station 4 sa Carmen, kinsa anaa na sa Police Regional Office, si Police Senior Inspector Excyllo Alcantara, gikan sa City Drug Enforcement Unit.
Gibutyag ni Kagawad Romeo Calizo, chair sa committee on police, fire and public safety nga normal lamang kini ug wala kini rekomendasiyon sa paghulip sa maong mga hepe.
“Well that is internal matter of the police, wala ko’y recommendation, performance, rotation, relief ug assumption normal man na sa uniformed service,” pahayag ni Calizo. (KCS)