SI EXECUTIVE Secretary Salvador Medialdea, atol sa awarding of incentives sa mga medalists sa 2018 Asian Paragames ug 2018 Youth Olympic Games (YOG) sa Malcañang, mitimbaya sa mga mananaug, uban sa pagsulti: “that the President and I are truly proud of your success.”
Ang executive secretary, isip representante ni Presidente Rodrigo Duterte, sa iyang mensahe mipaabot sa pahalipay sa palasyo sa kalampusan sa mga atleta diin sila: “showed their competitors and the rest of the world the true fighting spirit and drive for excellence that the international community have come to know and expect from Filipinos.”
Anaa sa P36,150,000 ang gipaguwa sa nakalabay nga adlaw subay sa Republic Act (RA) 10699 - mandated incentives alang sa mga atleta ug coaches.
Ang taga Davao City nga para-athlete, Ernie Gawilan nga midaug og tulo ka bulawan ug duha ka silver sa langoy, mipauli og lima ka tseke balor P4 Million, pinakadako nga insentibo sa maong batch.
Ang magduduwa sa chess nga si Sander Severino nga midaug sab og upat ka bulawan, may P2.6 million.
Ang nag-inusarang YOG medalist Christian Tio midawat og P2.5 Million sa iyang silver medal sa kiteboarding.
Suma ni Medialdea nga ang insentibo “a token of our people’s appreciation and a reward for their commitment and hardwork.”
Si PSC Chairman William Ramirez, nga mitunol sa tseke uban sila Medialdea ug PSC Commissioners Mon Fernandez, Arnold Agustin, Charles Maxey ug Celia Kiram, namahayag: “this is the first batch of para athletes winning in the Asian level who benefitted from RA 10699. We are happy that we are answering the call of the president to make sports inclusive and accessible to the people.” (PR)