Pagpusil sa konsehal politika?

GIPASALIG karon sa kapulisan nga sa daling panahon ilang masulbad ang kaso sa pagpusil kang Konsehal Alvin Libres ug sa usa ka dispatser, Martes sa hapon, Nobyembre 13, sa New Corella, Davao del Norte.

Kini ang gibutyag ni Chief Inspector Jason Baria, Police Regional Office (PRO)-Davao spokesperson, human sa ilang gipalawman nga imbestigasyon uban sa New Corella Municipal Police Station.

Sumala ni Baria nga dili nila ipadaplin sa imbestigasyon ang anggulo sa politika sanglit konsehal ang biktima samtang gipalawman sab ang imbestigasyon sa pagtipi sa dispatser.

“Tinitingnan natin, kung political ba o personal yong motibo sa pagkabaril ni konsehal na nasa hospital ngayon,” sumala ni Baria.

Gisubay sab sa kapulisan kung duna bay koneksiyon ang pagpusil-patay sa laborer nga si Lito Labor ug pagpusil sa konsehal nga miresulta sa pagka-ospital niini.

Gipaabot sa kapulisan ang mga adlaw nga ila nang maistorya ang konsehal basin unya nga makahatag kini og dalan sa pagsulbad sa krimen.

Sa kasamtangan, ang konsehal anaa sa tambalanan samtang ang patay nga lawas sa laborer gihaya na sa ilang mga kabanay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph