Pacquiao-Broner press tour sa LA, New York sunod semana

GIKATAKDANG molusad si WBA welterweight champion Manny Pacquiao og duha ka press tour didto sa Amerika sa sunod semana aron i-anunsyo ang iyang away batok Andrien Broner.

Imbis nga mobisita sa daghang mga lugar, si Pacquiao ug Broner mopahigayon og bicoastal press tour sa New York ug Los Angeles karong Nobiyembre 19 ug 20.

Ang New York press conference adto sa Gotham Hall sa Manhattan samtang ang sa Los Angeles adto kini sa Waldorf Astoria sa Beverly Hills.

Si Pacquiao ug Broner gikatakdang magsangka sa sunod tuig ug ang MGM Grand sa Las Vegas maoy usa sa gikonsiderar nga kapahigayonan sa maong away.

Isugal ni Pacquiao ang iyang titulo nga iyang nalangkat niadtong Hulyo 15 pinaagi sa pag-knockout ni Lucas Matthysse sa ikapito ka round didto sa Kuala Lumpur, Malaysia.

Kon modaog batok ni Broner, gitinguha ni Pacquiao nga iyang ma-rematch si Floyd Mayweather Jr. sa Abril o kaha sa Mayo.

Gihugonhugonan nga sa ilang panag-abot didto sa Japan ning tuiga, nagkasinabot ang duha nga mag-away og balik. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph