GISILUTAN sa miaging tuig ang pulis nga taga Minglanilla nga gipatay sa wa mailhing armadong mga tawo.
Mao kini ang nitumaw sa background investigation sa Cebu Provincial Police Office (CPPO) nisusi sa background ni PO2 Lord Romyth Cañada niadtong Miyerkules sa buntag, Nobiyembre 14.
Si Cañada gipasakaan diay og kasong administratiba human nidagan sa surprise drug test niadtong milabayng tuig.
Sa records nga nakuha ni Superintendent Jannete Rafter, information officer sa CCPO) nga niadtong milabayng tuig gipasakaan og kaso si Cañada sa kasong less grave misconduct ug neglect of duty human midagan sa drug test ang kapulisan sa lungsod sa Minglanilla.
Ang Police Regional Office 7 nisuspenso kang Cañada og usa ka buwan niadtong Agusto 2017 tungod niini.
Pagbalik niyag trabaho sa Septiyembre, nalutsan siya og rder pagrelibo kaniya sa katungdanan ug gibalhin PRO 7.
“August 1 to August 31 2017 he was ordered suspended by the regional office for the said offense. After serving his suspension, he was then reassigned. Wala na sya ka balik sa Minglanilla,” matod ni Rafter
Nagpadayon ang imbestigasyon sa Minglanilla police station sa pagpusil patay kang Cañada samtang padung nga magpaayo sa iyang sakyanan sa Barangay Calajoan sa maong lungsod.
Matod ni Rafter nga ang mga imbestigador nibalik sa dapit diin nahitabo ang insidente aron mokuhag impormasyon gikan sa mga saksi sa hitabo.
Lakip sa ilang subayon kon aduna bay mga CCTV camera ilabi na nga naa ra kini gipatay kilid sa highway. AYB