SECTIONS
Monday, December 17, 2018
SUPERBALITA CEBU

P8-M drugs, 1 napatay sa operations

KAPIN sa P8,000,000 nga balor sa illegal nga drugas ang nasakmit sa kapulisan sa siyudad sa Sugbo sa managlahing anti drug operations sa Huwebes, Nobiyembre 15.

Sa managlahing anti-drug operations sa nagkadaiyang mga buhatan sa Cebu City Police Office, mokabat sa P8.4 milyunes ang balor sa drugas nga nasakmit.

Samtang sa Dakbayan sa Mandaue, napatay sa kapulisan ang gikatahapang drug pusher tungod sa giingong pagsukol.

Ang labing dako nakuha sa CCPO gikan sa usa ka 30 anyos nga drayber sulod sa iyang giabangang balay sa sitio Tiera Cura, Barangay Tejero, syudad sa Sugbo.

Ang nadakpan giila nga si Matteo Archer Ochea, 30, nagpuyo sa maong dapit ug si Ruel Salvaña Paalam, taxi driver, taga Sitio Laray, Barangay Carreta, siyudad sa Sugbo

Nakuha gikan kanila ang 380 gramos nga gituohang shabu nga mobalor ang tanan og P4.4 milyones.

Matod ni Sr. Inspector Joemar Pomarejos, hepe sa Waterfront Police Station, nga ang ilang target mao si Paalam.

Niabang kinig balay sa Barangay Tejero alang sa iyang pagpamaligya sa illegal nga drugas.

Tulo ka mga semana nga gipanid-an sa Waterfront Police Station sila si Paalam human nga unang gi report ang impormasyon sa itug-an ni CD Hotline.

Sa pasiunang impormasyon gikan sa mga dinakpan, gikan sa usa ka drug personality nga naa sa sulod sa Cebu City Jail ang illegal nga drugas.

“Initially, gabii sa among interview sa dinakpan, ang iyang source didto sa sulod sa prisohan sa Kalunasan ang iyang transaction gikan sa drug personality nga amo pud nadakpan,” matod ni Pomarejos.

Samtang pagka alas 2:45 kagahapon sa kaadlawon, Nobiyembre 15, ang Pardo police station sa pagpangulo ni Chief Inspector Regino Maramag nakasikop og laing high value target sa Barangay Pasil, siyudad sa Sugbo.

Ang nasikop sa buy bust operation mao si Nicolas Boron Maranga, Jr., 42, taga Mahayahay Barangay, Pasil diin nakuhaan siyag 80 gramos nga gituohang shabu nga gibana-bana nga moabot og dul-an P1 million.

Matod ni Maramag nga atol sa interview kon asa siya magkuhaan sa supply sa drugas, aduna kini gitug-an nga usa ka drug personality sa sitio Kauswagan, Barangay Basak Pardo.

Niresulta usab kini sa pagkasikop ni John Martin Inso, 20, kinsa nakuhaan og kapin sa P800,000 nga balor sa drugas.

Giingong gikan ang drugas sa usa ka binilango sa city jail sa mandaue nga padayon sa iyang illegal nga negosyo bisan sa sulod sa prisohan.

“Makabaligya siya og mga 500 grams per week. Dako nani sya kay ang iyang source gikan sa city jail sa mandaue,” matod ni Maramag.

Samtang naka sikop usab ang ubang mga police station sama sa Guadalupe ug San Nicolas police station og mga drug player.

Samtang mga alas 6:30 kagabii, ang Cebu City Drug Enforcement Unit nag operate nakasikop og bag-ong nailhang pusher.

Si Bemar Umpad Udto, 38, taga Riverside Lawis, Pasil, nakuhaan og 105 gramos nga shabu nga gibana-banang dunay balor nga P1.3 milyunes.

Napatay

Usa ang patay ug lima ang nasikop sa managlahing buy bust operation ug anti-criminality campaign sa dakbayan sa Mandaue niadtong Miyerkules sa gabii ug kagahapon sa Huwebes sa kaadlawon,. Nobiyembre 15.

Ang namatay usa sa subject sa operation kinsa giingong namusil una sa mga pulis pasado alas 6 Miyerkules sa gabii, Nobiyembre 14.

Kapuyo niini nasikop.

Patay na nga nadangat sa tambalanan si Aldrin Catorciano, 35, kinsa lumad nga taga lungsod sa Tabuelan human napusilan sa mga sakop sa Opao Police Station.

Gitug-an sa hepe sa Opao Police Station Police Senior Inspector James Conaco nga giunhan sila pagpusil, apan nikagar.

Nisuway pa unta kini pagpusil og balik hinungdan nga usa sa ilang mga sakop sa kapulisan nipusil kang Catorciano.

Nasikop ang kapuyo sa subject nga si Ginalyn Dinoy, 33.

Ang duha ang nagpuyo sa tunga-tunga sa may kasagbutan sa Barangay Umapad, kansang panimay giingong nahimo na usab nga drug den.

Matud ni Conaco nga nakadawat ang kapulisan og taho tulo ka semana na ang nakalabay sa pagpamaligya niini og shabu.

Bag-o pa kining nailhang drug player sa maong lugar, apan makig-alayon ang MCPO sa Tabuelan Police station, pagsuta kon unsay background sa duha.

Nasakmit ang .38 kalibre nga armas gikan kang Catorciano ug ang kapin sa P20,000 nga balor sa gituohang shabu.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!