MANILA - First time mohimo og horror movie ang BG Productions ni Madam Baby Go ug ang shooting ipahigayon sa Dumaguete.
Ang naka-excite, ang direktor niini nga si Direk Joey Romero (anak ni Direk Eddie Romero), taga Dumaguete, ang bidang si Beauty Gonzales taga-Dumaguete ug ang producer nga si Madam Baby, taga-Dumaguete sad.
Bongga si Madam Baby kay sa storycon pa lang, sa sosyal nga Marco Polo na kini gipahigayon with matching reporters, bloggers and tv crew nga ikinalokah sa cast kay abi nila, sila-sila lang. Si Beauty wa pay tulog kay gikan pa sa taping sa iyang teleserye sa Abs-Cbn.
Kauban sa maong horror movie (as of press time wa pa ibutyag ang titulo) sila si Enzo Pineda, Ariela Arida nga ang role usa ka multo, Polo Ravales, ang bag-ong winner sa Mr. World Philippines ug uban pa.
Excited sad si Beauty kay makita na sad kuno niya ang iyang nanay ug uban niyang kaparyentehan sa Dumaguete. Ini-expect na ni Beauty nga may mga friends siyang motan-aw sa shooting, basin kuno og ma-awkward siya.
Gipangutana ko si Direk Joey kon mag-focus lang ba sila sa multo ug dili ba maka-expect ang viewers nga i-showcase sad sa pelikula ang sigbin, ungo, wakwak ug uban pang mga gikahadlukang mga mananap. Pero morag sa multo sila mag-focus. Sa sunod na lang kuno nilang horror movie ang uban.
Pero matod ni Beauty nga dili siya hadlokan, bisan sa multo. “Di ako natatakot sa multo o mga patay, mas natatakot ako sa buhay,” ni Beauty nga super slim kaayo ug abi mo way masuso.
Very supportive kuno ang iyang bana ug kung may taping o shooting siya, ang iyang bana ang magbantay sa ilang 2-year old daughter named Olivia. Wala siyay yaya.
Ni-promise si Beauty nga kung may extra time sila, iyang dad-on sa ilang farm sa may Pamplona ang mga kauban niya sa horror movie, even Direk Joey and Madam Baby.
Matud ni Direk Joey, bisan og horror movie kini pero may mga eksena nga kuhaan sa tourist spots sa Dumaguete. So makadani gihapon kini sa turismo sa maong lugar.