NAGPABILIN gihapon sa Ateneo de Davao University (Addu) Blue Knights ang korona isip defending champion human nakuha ang 49-30 victory batok arch-rival Assumption College of Davao (ACD) Blue Warriors alang sa Future Star League finals niadtong Biyernes sa gabii didto sa Rizal Memorial Colleges (RMC) Gym.
Mapasalamaton ang Blue Knights nga di lamang sa ilang pagdaug kun di alang sab sa ilang learning experience nga ilang nakuha sa maong season.
Sa pagmintinar sa ilang di matarog nga kadaugan sa seven outings una ang finals, ang Addu kids midula uban sa ilang kinasingkasing nga paghimo niini ug sa ilang mga inspirasyon.
Si Samuel Nathan Torres mikuha'g uros-uros nga 13 points, seven steals, ug five rebounds ug five assists sa finals aron makahimo og ngalan diha sa most valuable player (MVP) award.
Sila Harry Hipolito ug Frankie Argoncillo mga mentors sa Blue Knights midayeg sa gipakita nga kadasig nila Eio Julianne D. Rosco, Tristan Raphael Bibay, Jose Julio L. Garcia, IV, Felix Justin O. Domingo, Sean Andrew Hilay, Jethro Matthew V. Andrion, Enrico Martin, Matt Talania, Jhian Gerald Cornejo, Charles Luis Ferrando ug Alex Christian Almario.
Ang gikonsidera nga "Most of Addu's roster" midula sab sa Davao City Athletic Association (DCAA) 2018 Meet.
Sila Hipolito ug Argoncillo uban sa mga Addu's official line up mi-represent sa Davao City alang sa Davao Regional Athletic Association (Davraa) Meet nga mahitabo karong January 2019.
Dako sab og papel ang mga ginikanan sa mga nahisgutan nga maoy hinungdan nga nakab-ot ang maong kadaugan.
Ang Cherrylume ug Mark Anthony Cayetano Construction maoy usa sa mga sponsor sa maong cagefest.