MAKASAKSI na sab og dekalidad nga aksyon sa rectangle nga korte sa 2010 Smart-Liga Pilipinas pre-season games nga ipahigayon karong Pebrero 15-18 sa Cebu Coliseum.

Mangulo sa partisipanteng teams mao ang kasamtangang national champion M. Lhuillier Kwarta Padala-Cebu Niños ni coach Raul “Yayoy” D. Alcoseba.

Click here for stories and updates on the Sinulog 2010 Festival.

Ang ubang mga mokombati sa upat ka mga adlaw nga kompetisyon mao ang Trace-Laguna Stallions, Taguig Batang Global ug MP Warriors ni boxing pound-for-pound champion Manny Pacquiao.

Ang torneyo maoy magsilbing pagana sa regular season nga sugdan sa sayong bahin sa sunod buwan.

Mosubay ang torneyo sa single-round robin format diin ang mopatigbabaw nga duha mao ang magsangka sa finals.