Sunodsunod nga patay sa siyudad sa Guihulngan

NAALARMA na ang kagamhaann sa siyudad sa Guihulngan human sa sunodsunod nga kaso sa patay diin miabot na sa 33 ka biktima nga binuhatan sa New People's Army (NPA).

Kapin sa napulo na usab ka mga barangay kapitan ang gipanghulga nga sila ang isunod nga likidahon sa maong grupo.

Tungod niini, ang Police Regional Office (PRO) 7 pinangulohan ni Chief Supt. Debold Sinas ug sa 302nd Brigade nga nagbase sa Negros Oriental nilusad og pulong-pulong aron sulbaron ang krimen nga nahitabo sa Guihulngan.

Matod ni General Sinas nga nakakuhag atensyon sa kampo Crame ang mga insidente sa Patay sa maong syudad nga angayang sulbaron sa laing dali nga panahon.

Sa imbestigasyon, nasayran nga kasagaran sa motibo sa patay personal nga naglambigit sa away sa yuta ug ang uban mga sparrow unit sa NPA.

Sa miaging semana, usa ka polis nga motambong lang unta sa iyang hearing ang gisuwayan pagpusil sa gituohang membro sa Sparu unit sa NPA apan wala mo buto ang iyang armas.

Ang maong pulis ipaubos karon sa stress de briefing sa PRO7 ug kasamtangang parelibohan sa iyang posisyon sa Negros Oriental Provincial Police Office. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph