ANG Mandaue City Police Offce (MCPO) gikatakda nga mopasaka og kaso sa tulo ka mga tawo nga ningsukol sa mga pulis dihang gipuhag ang piket sa Coca-Cola Bottlers Corporation sa Mandaue City niadtong Sabado, Nobiyembre 16.
Ang mga sakop sa Alyansa sa mga Kontraktwal nga Mamumuo sa Sugbo mao ang nagpiket tungod sa ilang nalantawan nga halapad nga retrenchment.
Gitug-an ni P/Senior Supt. Julian Entoma nga ang pagpahigayon nila og picket nga ilegal na daan, human nga wa sila nangayo og permit.
Dugang ni Entoma nga bisan pa gihatagan og higayon sa pagpahigayon og rally ug pagguba sa gitukod nga tent apan pipila ka oras, giingon nga nagdumili kini sa pagbiya.
Si Johnson Cañete, direktor sa Department of Labor and Employment (Dole) 7 nagknayon kagahapon, Nobiyembre 18, nga wala siya makadawat og termination report gikan sa Coca-Cola Bottlers Corp. sa Mandaue City.
Ang SunStar Cebu nitawag sa duha ka mga opisyal sa Coca Cola apan nagdumili kini sa pagkomentaryo. (Fe Marie D. Dumaboc, Correspondent)