DAGHAN ang moingon nga makadaot gyud kang Mayor Soc Fernandez kining mga kalaki sa iyang sinagop nga si Joavan.

Mao nga kinahang-lang ipa-rehab gyud ang bata.

Click here for stories and updates on the Sinulog 2010 Festival.

Ilang gihunahuna nga mahinungdanon kini aron matabang ang kandidatura ni Mayor Fernandez.

Apan, matod pa sa kaatbang ni Brod Soc nga di unta ingon niini ang pagtratar sa sitwasyon.

Matod pa, kinahanglan ipa-rehab nato si Joavan aron kini matabangan tungod kay wa matarong sa pagpadako ni Brod Soc.

Karon, maglisod na hinuon sa pagpitol si Broc Soc sa sinagop. Samotan nga iya kining perming duphan mao nga nigara gyud hinuon pagmaayo.

Wa makasabot si Joavan nga sa iyang pagpabad-long, daw sagbot na siya karon sa katilingban nga nakahugaw sa imahen sa iyang giila nga amahan.

ALVIN BATOK MIKE

Kon duna man ganiy kahigayonan nga mapildi pa ang Bando Osmeña-Pundok Kauswagan (BO-PK), mao na kining piliay karong Mayo 2010 nga di na si Mayor Tomas Osmeña ang magmayor ug ang iyang bise mayor nga si Mike Rama mao na ang mopuli kaniya.

Lahi na man gud kon si Mike Rama ang kaatbang ni kanhi mayor Alvin Garcia dayon nidagan sab ang igsuon ni Mayor Osmeña nga si Georgia.

Akong pangagpas karon nga ang mga diehard nga Osmeñista maglibog kon asa gyud sila dapig. Sa anak ba ni Serging o sa tawo ni Tomas?

Nagkaanam sab kadaghan ang mga Sugboanon nga natagam sa BO-PK.

Pananglitan, ubay-ubay na gyud ang nabiktima sa pagpatakag bira sa mga towing agencies sa mayor. Nasiguro ko nga di kini sila mobotar pabor sa mga kaalyado ni Tomas.

Sulod sab sa miaging siyam ka tuig, wa sab gyuy nasinati ang Sugbo nga dakong proyekto gawas niining padayon nga South Reclamation Project (SRP) nga wa paagi-i ni Tomas sulod sa pipila ka bulan nga daw nag-isip nga siya usa ka agalong yutaan.

Nakahibawo na man kita nga pipila ka gatos ka milyon ka pesos ang atong gibayad sa utang tungod sa SRP nga unta nahapak unta sa mga proyekto alang sa mga kabus.

Matod pa ni Mayor Osmeña duna na siyay daghang mga proyekto nga ibubo.

Karon na mayor nga hapit na ang piliay? Kaniadto unta nga bag-o pa kang nakadaog sa piliay sa 2007.

NAPAGAN SA BOYCOTT NI VILLAR

Daghan ang mga balaudnon nga wa na matuki sa katapusang adlaw sa sesyon sa Senado kay wa manunga si Sen. Manny Villar ug ang iyang mga kaalyado.

Ang-ang, naglikay nga pormal nga mapasar ang resolusyon nga sad-an si Villar sa isyo kabahin sa C5 diin giingong ipauli sa Senado ang mga P6 bilyones nga nausik nga kwarta sa kagamhanan.

Apan alang kanako, ang labing dako nga napagan mao kining Freedom of Information Act. Unsa na kaha kon modaog si Villar?